Қирғизистонда 4-июнь куни тожливирус инфекциясини юқтириб олиш билан боғлиқ жами 28 та ҳолат аниқланди. Бу ҳақда соғлиқни сақлаш вазирининг ўринбосари Нурбўлўт Усўнбаев маълум қилди.
Янги қайд қилинган 28 ҳолатнинг ҳудудларга тақсимланиши:
Бишкек шаҳри – 15;
Норин вилояти — 1;
Ўш вилояти — 6;
Ўш шаҳри – 4;
Иссиқкўл вилояти – 1;
Чуй вилояти — 1;
Шунингдек бир кеча кундуз давомида 27 нафар бемор шифохонадан соғайиб чиқди:
Бишкек шаҳри – 24;
Ўш вилояти — 1;
Боткен вилояти — 2;
Қирғизистонда коронавирус инфекцияси қайд этилганлар сони 1899 нафарни ташкил қилмоқда, 1292 нафар фуқаро коронавирус инфекциясидан бутунлай соғайиб чиққан. 20 инсон COVID-19 инфекциясини юқтириб олгандан сўнг вафот этди.
Тожливирус ҳавфи сабабли Қирғизистоннинг айрим ҳудудларида фавқулотда ҳолат тартиби эълон қилиниб, комендант соати жорий қилинган эди. Бу қоида 11-майдан тўхтатилган, бироқ фавқулотда вазият тартиби давом этмоқда.
